|
Wild deel van groter probleem
R Jansen van Flora Park skryf:
Baie dankie vir 'n kwaliteit koerant wat
u uitgee.
Die artikel "Waarskuwingborde oor wild noodsaaklik" verwys.
Ongeveer 2 weke gelede moes ek self gevaarlik uitswaai vir 'n
volgroeide koedoebul. Dit was 20h00 op die Pelindaba tolpad by die
treinbrug wat PMP bedien, oorkant Atterridgeville.
Volgens twee eienaars van wildsplase op die Daspoortrant/Witwatersbergreeks,
word probleme ondervind met wildsheinings wat geknip word deur
inwoners van die plakkerskampe in Rietfontein/Xanadu. Die spore en
platgetrapte gras wys duidelik dat dit van daardie rigting afkomstig
is.
Van die wild word aangekeer met honde en word dan met pangas opgekap.
Die wild wat wel wegkom migreer na groener weiveld, veral in die
winter met swakker weiding en veldbrande.
By 'n vorige geleentheid het ek ook reeds 'n volgroeide duiker
raakgery op dieselfde tolpad by Elandsfontein.
“Ou Wapad...Nuwe snelweg - boom
vermoor”
‘n Besorgde Ou Wapad Inwoner van
Ifafi skryf:
Ou Wapad is deesdae soos die
Kyalami van Harbeespoort. Sedert Ou Wapad verleng is verby Sediba
Plaza na die hoofpad is gejaag in Ou Wapad blykbaar
die norm. Die stoptekens word verontagsaam in alle rigtings en
bewaar jou kar se agterent as jy by oprit sou waag indraai.
Onderstaande - ook visuele en stille getuienis van net een so
gebeurtenis. Hierdie Olienhout boompie word al vir 20 jaar
vertroetel. Op die middag van Vrydag 29 Junie 2007 word sy/haar lewe
ontneem toe ‘n motor reg bo-oor hom ry. Skaars was die roudiens
afgehandel en is die gedenksteen ook summier verwyder - op
vollevaart. Aan almal wat Ou Wapad gebruik - groot asseblief ry net
stadiger, volgende keer is dit dalk meer as ‘n boom wat in die slag
bly.
Back to
Top
Back to Home |
