Uit seer geleer

Faan en Steffi Torre van Ifafi skryf;

Met die heengaan van Stef, geliefde lewensmaat en liefdevolle moeder wil ek en Steffi deur middel van hierdie weg die volgende met julle deel.
Al is dit hoe seer leer ‘n mens etlike lesse deur so ‘n lydingstydperk waardeur Stef gegaan het. Een daarvan is dat voordat hierdie wrede siekte Stef getref het, het ek persoonlik vertroue in die mensdom verloor. Ek het gevoel niemand gee enigsins om vir sy medemens nie, elkeen vir homself. Ek het egter die volgende paar jaar gesien hoe vele mense in ons gemeenskap hulle harte oopgemaak het en vir Stef en ons omhels het met soveel deernis, bystand en liefde. Aan almal wat op enige wyse, hetsy deur persoonlike betrokkenheid of deur ‘n ver af gebed, wil ek dankie sê - dankie vir julle as ‘Omgeemense’. Julle het my my vertroue in my medemens laat herwin.

Ou bekendes groet

Riana en Kolie Joubert van Schoemansville skryf:

Na sestien jaar in Hartbeespoort het Kolie en Riana Joubert na Bela Bela verhuis waar hulle Bela Bela Lodge as bestuurspaar gaan aandurf. Ons sê baie dankie aan al ons vriende en familie wat deur lief en leed altyd getrou aan ons sy gestaan het. Hoewel ons al ons vriende, familie, kollegas, kliënte en gaste baie gaan mis, sien ons tog met opgewondenheid en dankbaarheid uit na die nuwe uitdaging wat ons uit die Vader se hand ontvang het. Ons getuig ook hiermee dat Hy tot die dood toe getrou is, ons behoeftes ken nog voor dit uitgespreek is en ook dan daarin voorsien op Sy volmaakte tyd. Ons kontak besonderhede bly onveranderd en ons sien uit daarna om met ou bekendes kontak te behou. Mag God Hartbeespoort ongekend seën op elke moontlike gebied!

Back to Top                                                                            Back to Home

23 July 2009