|
Die twee vriendinne, Frances Gouws (36) en Tillie
du Plessis(48), wat in die vroeë ure van Sondagoggend saam in ’n
ongeluk oorlede is.
Hulle was deel van die drie musketiers saam met nog ’n vriendin,
Melinda Liefbroer. |
Twee vriendinne sterf saam
Twee van die drie musketiers van Hartbeespoort
het vroeg Sondagoggend saam in ’n motorongeluk gesterf. Frances
Gouws (36), ma van twee en vrou van kapt Piet Gouws - bevelvoerder
van die Hartbeespoort Misdaadvoor-komingseenheid, en Tillie du
Plessis (48) ’n jarelange inwoner en ook ma van twee, was op pad
huis toe net voor 01:00 Sondagoggend toe hulle Toyota Tazz en ’n
Toyota Quantum bussie kop-aan-kop op die R511 in Melodie gebots het.
Frances en Tillie het die liefdadigheids-konsert ten bate van die
gesin van Ockert van Schalkwyk, wat vroeër verlede maand na ’n
ongeluk oorlede is, bygewoon saam met die derde lid van die drie
musketiers, Melinda Liefbroer en was op pad huis toe, toe die
ongeluk plaasgevind het. Melinda het reeds vroeër die aand huis toe
gegaan. Beide vroue is op slag dood terwyl die bestuurder van die
Quantum bussie na die Brits Distriks-hospitaal geneem is. Hy staar
klagtes van dronkbestuur en strafbare manslag in die gesig.
Slegs ’n halfuur na dié ongeluk is ’n sangeres van Hart-beespoort en
enkel-ma van drie, Lee Clifford (34), wat ook die konsert bygewoon
het, en nog drie ander mense beseer in ’n ongeluk wat skaars twee
kilometer verder op dieselfde pad plaas-gevind het. ’n Toyota Hilux
en Toyota Yaris het in dié ongeluk ook kop-aan-kop gebots. Lee is in
’n kritieke toestand in Brits Medi-Kliniek nadat haar milt verwyder
is. Sy moes ’n totale bloedoortapping ondergaan en moes reeds ’n
tweede operasie ondergaan maar kon nie omdat haar toestand te
onstabiel is. Lee het ook ’n gebreekte arm, ontwrigte skouer en snye
op haar kop en maag maar veg ’n moedige stryd. Die man saam met wie
Lee in die bakkie gery het, mnr Danie Smit, is met ’n gebreekte arm
na Brits Medi-Kliniek geneem terwyl een van sy seuns, Neil Smit, met
kopbese-rings in dieselfde hospitaal opgeneem is. Die bestuurder van
die Yaris, mnr Gerrit Jordaan, is met brein beserings na Muelmed
Hospi-taal in Pretoria geneem. Volgens inligting is hy later Sondag
in dié hospi-taal oorlede.
Kapt Piet Gouws, Frances se man, het aan Kormorant gesê dat Frances
’n passie vir haar medemens gehad het en ander altyd voor haarself
gestel het. “Sy sou eerder duur goed vir ons koop voor sy iets vir
haarself koop. Frances was ’n opregte vriendin vir haar vriendinne
en sy was die beste braaier in die land,” het Piet gesê.
Sally Kruger, ’n vriendin en kollega by Santam waar Francis die
laaste jaar gewerk het, het gesê dat Frances altyd bereid was om te
help en haar alles in haar werk, haar vriendskappe en haar gesin
ingesit het. “Sy het ’n groot impak op al haar kollegas se lewens
gemaak,” het Kruger gesê.
Mnr Romano van der Spuy, sektor een misdaadforum-voorsitter, het
gesê dat Piet ’n kollega, vriend en waarde-volle lid van die
misdaadforum is en het sy innige simpa-tie aan Piet en sy gesin
oorgedra. “Ons bid vir hulle in hier-die moeilike tyd,” het Van der
Spuy gesê.
Frances laat Piet, haar kinders Monique (14) en Devon (12) en haar
ma, Moira Jansen, agter.
Tillie du Plessis was ’n jarelange vriendin van Frances en bekend in
die gemeenskap vir alles waarby sy betrokke was. Haar man Gerhard
het aan Kormorant gesê dat sy ’n fantastiese ma en mens was. Tillie
laat Gerhard, en hul twee seuns Jean-Pierre (23) en Claude (12)
agter.
Frances se begrafnis vind vanoggend 10:00 vanuit die NG Kerk in
Maraisstraat, Schoemansville plaas terwyl ’n roudiens vir Tillie
Vrydagoggend om 11:00 in dieselfde kerk gehou word.
Intussen is ’n trust-fonds vir Lee gestig om te help met die
versorging van haar twee dogters en seun omdat sang haar enigste
inkomste is. Die mediese kostes styg ook by die dag wat moontlik nie
alles deur haar mediese fonds gedek sal word nie. Mense wat tot die
fonds wil bydra kan dit doen in die ABSA Brits-rekening 4055073365.
Navrae kan aan James by 082 607 2025 gerig word.
Back to Top
Back to Home |
3 February 2010 |
