Opinions

Flagship turned nightmare

The eviction notices served on the illegal occupants of houses in Refentse, the old Afsaal resort, are just another chapter in the sad history of this monument of official bungling.

The project was supposed to be a flagship of low cost housing provision in Madibeng but turned out to be a nightmare. There was a cloud over the way the property was procured; of the thousand houses planned for the site, less than 200 could be built because of green belt restrictions and when these were built, they turned out to be unfit for human habitation and had to be essentially rebuilt. And if that was not enough, in the end they were invaded by people who were not entitled to low cost housing - at least not in Refentse.

The Madibeng municipality has a tough job on its hands to get the illegal occupants out and have the houses repaired and delivered to the rightful occupants. It will be a feather in the cap of the Administrator if he can get it right this time.

‘n Te hoë prys

In Kormorant is daar vandag twee stories wat diereliefhebbers sal raak - die een oor ‘n apie wat in Scottstraat deur ‘n motor raakgery is en die ander oor ‘n aasvoëlbewustheidsdag wat by die De Wildt-jagluipersentrum gehou word.

Albei gaan oor diere (ja, voëls is wel diere, hoewel nie soogdiere nie) wat weens hulle kontak met mense in nood verkeer - die apie omdat hy deur ‘n motor raakgery is; die aasvoëls omdat hulle in kragdrade vasvlieg, vergiftig word en onderwerp word aan moetie-stropery. Volgens die webblad http://wild-birds.suite101.com, is daar elf aasvoëlspesies in Suid-Afrika waarvan nege met uitwissing bedreig word - binne tot so min as tien tot elf jaar. Een spesie, die Egiptiese aasvoël, word reeds nie meer in Suid-Afrika aangetref nie en die baardaasvoël word nog slegs in die Drakensberge en Lesotho aangetref. Dit is ‘n erkende praktyk om aasvoëlrestaurante te skep om hulle bewaring aan te help.

Daar is enkele nadele aan verbonde, soos dat dit ander roofvoëls kan lok wat dan weer die neste van ander grondlewende voëls in die omgewing kan plunder, maar oor die algemeen is dit voordelig vir die aasvoëls al kan dit hulle afhanklik van die voerplek maak. Dieselfde kan egter nie gesê word van die praktyk om ape te voer nie. Noordwes-provinsie is die enigste provinsie waar die blouaap nog as ‘n probleemdier geklassifiseer word. In die res van die land word hy beskerm. Maar om hom te beskerm beteken nie dat hy gevoer moet of mag word nie. Om die waarheid te sê, daar is baie geldige redes waarom primate, dis nou ape en bobbejane, nie gevoer behoort te word nie. Ape het die klassifikasie as probleemdiere verwerf omdat hulle baie intelligent is en maklik hulle vrees vir mense verloor.

Daar is talle gevalle in veral Kosmos en Schoemansville bekend waar ape huise binnegaan en hulleself help aan kos en lekkernye. In die Kaap is bobbejane al so vermetel dat hulle op die geluid van motordeure wat oopgesluit word reageer en hulle strooptogte daarvolgens beplan. Ape is nie lieftallige diere nie en gladnie skugter nie - trouens, hulle kan baie aggressief optree as hulle gefrustreerd raak, soos wanneer hulle kos geweier word.

As hulle in ‘n mens-omgewing kos kry, verloor hulle in die eerste plek hulle vrees vir mense; hulle word onder die indruk gebring dat hulle geregtig is op die kos wat hulle daar kry en hulle word aangemoedig om die menslike habitat binne te dring. In hierdie situasie is die ape die enigste verloorders, want hulle staan nie ‘n kans teen die mees uitgeslape primaat van almal - die mens - nie. Kundiges is dit eens dat dit ongewens is om voerplekke vir ape te maak. Vir voëls kan dit nog werk, maar vir die ape is die prys wat hulle moet betaal vir hierdie voorreg, net te hoog.

Iets anders as die Dam wat stink

Verbruikerskruisvaarder (moeder) van Hartbeespoort skryf:

Iets stink, en nèè, dis nie die dam of die sogenaamde riool daarin nie. Dis soveel erger en dis reg onder ons neuse. Soveel opgetrekte neuse en gefrommelde gesigte het ek wraggies baie lanklaas in Harties gesien!
Ek lees onlangs dat ’n sekere groot kettingsgroep aanspraak maak daarop dat hulle soveel as 31 miljoen rand gespaar het met hul elektrisiteitsverbruik deur middel van meer effektiewe, elektrisiteitsvriendelike koelkaste, ventilasiesisteme en lugverkoeling. My eerste reaksie was “well done!” en die volgende reaksie, absolute woede want skielik het alles sin gemaak!

Daar is al vir maande ’n gefluister in die dorp oor die stank en almal se vingers wys in die selfde rigting maak nie saak in watter rigting die wind waai nie! Pannekoek by die ingang, ummmm “nice touch”, maar twee pannekoeke wat bak kan nie die stank verdoesel nie…boerewors wat amper verbrand naby die slaghuis gedeelte, wel dit het amper gewerk, maar ek dink dis omdat ek vrek honger was. So, gewapen met my sneusdoekie, serp en hare vol Red Door volg ek toe my neus en watse ontnugtering was dit nie! Julle, so bedwelmd soos ek was van al die parfuum wou ek nogsteeds kots met ’n passie…wat is dit!?! Nou gaan dit vrot raak, sensitiewe lesers gee nou die koerant vir iemand met “borshare” asseblief!
Nat hoendervere, vrot voete, ’n oom wat gepoep het?… Nèè dis vrot vleis! Al ooit gewonder wat gebeur met vleis as dit nie teen die regte temperatuur gestoor word nie, wel dit vrot, die proses is basies dieselfde as met die ontbinding van ’n lyk (ja rerig), dit vat net so bietjie langer want die elektrisiteitsvriendelike koelkas maak tog ’n bietjie koud! Laai toe maar ñ trollie vol van die lankal verstreekte “sell by date” vleisies en maak toe ’n groot bohaai daarvan ±7 maande terug. En op ’n daaglikse basis gaan loer ek toe in. Nodeloos om te sê, die reuk het nie verdywn nie. Kry nog gereeld vleis en ander bederfbare produkte wat lankal “verjaar” het.

En week na week word ons blootgestel aan ’n sekere blonde dame met ’n vaal snyerspakkie aan wat ons vertel van al die kaase en “no-name brand” wyne en elke week wil ek vir haar vertel dat die bloukaas nie die enigste produk is wat verdag lyk nie! Nou ja, ek gee gewoonlik nie op nie…

Kon toe nie die blonde dame opspoor nie, maar ek kon een van Suid Afrika se mees briljante ambassadeurs opspoor, ’n “moeilike” mens uit reputasie met ’n hart van goud! Nie gedink daar sal iets van kom nie maar, groot was my verbasing…die volgende oggend vroeg lui my sellfoon! Een of ander grootkop van die kettingwinkel groep, nie regtig seker nie, die man het vinnig en bitsig gepraat. Dit was soos ’n interrogasie! Weet ek daar loop ’n drein verby die ingang naby die ketting winkel? Ja Meneer, ek ken die verskil tussen die reuk van poefies en vrot vleis. By wie het ek gekla? Nou mense, as ek by die punt kom van kla, is ek verby rasioneel dink, dan is ek die spreekwoordelike “bull in a china shop”. Kon nie ’n spesifieke naam gee nie, ek wou nie mense ontmoet toe ek kla nie, ek wou net hê die vrot reuk moet verdwyn! Die meneer sou toe na my terug kom met ’n antwoord…ek wag nog steeds. Maar, hier kom dit nou…glip toe gou uit die kantoor en jaag soontoe, wou sien of ek ’n oproering veroorsaak het. Mense daar word toe brood gebak om die hele Kenia se bevolking te voed. Skielik is daar mense wat deur elke vleis pakkie werk en met groot oë na die verjaar datums kyk en ek dink; Halleluja, die vrot is nou iets van die verlede!

’n Dag later (en elke dag sover) en die reuk van dood hang nog steeds daar rond. Lank hieroor gedink en besluit dat elke negatiewe gebeurtenis met ’n positiewe een vervang moet word, so hier kom dit… Ek het al baie diëte probeer in my lewe maar dames, ek het een gevind wat rerig werk! Elke dag na werk gaan maak ek ’n draaitjie by diè kettingwinkel en sowaar, my eetlus verdwyn soos mis voor die son, rêrig, ek het al 6kg verloor in 10 dae!!! En dis so maklik soos; snuif net diep in by die deur, as die honger nog knaag stap ’n bietjie nader aan die vleis rakke, snuif weer diep in en weg is die eetlus!

PS: Lesers met sensitiewe magies, vat maar ’n bruin sakkie saam.